AdvetorialRagam Terkini

Gedung Dewan Jadi Riweuh

KIWARI anu janten aweuhan tur aheng teh soal pangwangunan Gedung Dewan KBB. Saleresna mah tos janten kawijakan, hartosna bupati sareng dewan, tos sapogodos ngawangun gedung dewan anu agreng teh sumber waragadna patungan ti pamarentah pusat, propinsi, sareng ti APBD KBB anu ageungna Rp 150 miliar, salami dua taun anggaran, peun.

Salajengna dina ngokolakeun ieu pangwangunan, tos mangrupi kakuasaan sareng tanggel waler pa bupati. Namung numutkeun panalungtikan dewan dina ngalaksanakeun fungsi pengawasanana, tetela waragad anu sumberna ti luhur teh teu acan aya bungkeuleukanana.

Kukituna sababaraha fraksi ti dewan, meredih ka pa bupati ulah waka ngawangun gedung dewan, margi sanaos tos aya rengkolna anggaran dina APBD tapi artosna teu acan aya. Inggis ku bisi hanas diwangun dana ti luhur teu lungsur. Balukarna pemda teu tiasa nohonan kawajiban ka pihak pemborong.

Katambih kaayaan APBD KBB denget ieu nuju defisit alias kirang artos, margi target pendapatan daerah teu kahontal. Anu janten masalah pemda tos ngalengkah nangtoskeun pihak pemborong dina lelang. Malih ti pihak pemborong tos ngalengkah dadasar ceuk nu dagang mah. Aya ibar pa bupati bade ngayakeun gempungan sareng dewan saur mantena teu aya masalah. Mung pa wakil bupati dina hiji media masihan kamandang saurna pangwangunan gedung dewan sanes prioritas alias ulah diutamikeun, engke wae ngantos aya waragadna. Atuh janten langkung rame ieu teh.

Pamendak sim kuring mah luyu sareng pamaksadan pa bypati, saenggalna wae ayakeun gempungan sareng dewan. Saupami mantena tiaya ngayakinkeun ka dewan yen bantosan ti luhur bakal lungsur, teu aya lepatna gedung dewan diwangun. Margi fasilitas sarana prasarana pemerintahan mangrupi gedung kantor pamarentahan tos aya katangtosanana anu baku. Cag. Sihapuntena. Wassalam.

Penulis : Djamu Kertabudhi Pengamat Politik & Pemerintahan Universitas Nurtanio

Digiprove sealCopyright secured by Digiprove

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close